Ганна Палей
арт-менеджэр/куратар/ прадюсар культурніцкіх праектаў
Культурны менеджэр і куратар (Беларусь). Ганна Палей (нар. 1987) вучылася па праграме Еўрапейскага культурнага фонду (арт-менеджмент). Яе куратарскія праекты звязаныя з тэмамі мясцовай ідэнтычнасці, фемінізму і звычайнага жыцця ў беларускім кантэксце. Заснавальніца культурна-адукацыйнай платформы ў Беларусі (pershykrok.by), створанай у 2018 годзе як лакальная сетка арт-актараў для сумеснай адукацыі і практыкі. Сярод куратарскіх праектаў: Міжнародны фестываль «Месяц фатаграфіі» (рэгіянальная праграма, тэма: Выжыванне, 2020), серыя аўдыявізуальных жаночых партрэтаў «Сапраўдныя» (2021), Адукацыйная арт-праграма «Палессе ў фокусе» (2022).
- 2014 Куратар калектыўнай фотавыстаўкі Эмоцыі. моманты (Мінск, Беларусь). Пра ролю эмоцый у паўсядзённым жыцці. У выставачным праекце прынялі ўдзел удзельнікі з гарадоў Беларусі: Мінска, Гродна, Гомеля, Брэста.
- 2014−2018 куратар і ўдзельнік музычнага праекта JazzGeGround (рэліз "Sound interpretation: Minsk").
- 2019 куратар музычных перфомансаў з удзелам сучасных беларускіх музыкаў.
- 2019 заснавальніца культурна-адукацыйнай платформы pershykrok.by. Намінацыі і ўзнагароды pershykrok.by: Social Weekend: праект быў адабраны сярод 540 сацыяльных праектаў па ўсёй Беларусі і стаў адным з 10 пераможцаў конкурсу. Зрабілі: намінацыя Grass Roots, узнагароджаны. Прэмія RADA Awards: Намінацыя «Арт-праект».
- 2019 прадзюсар і арт-мэнэджэр краўдфандынгавай кампаніі па выданню кнігі пра гісторыю Мазыра (Беларусь). Кніга паспяхова выдадзена і зараз знаходзіцца ў прыватных і дзяржаўных калекцыях краін: Германіі, ЗША, Швейцарыі, Ізраіля, Сербіі, Украіны.
- 2020−2022 Кіраўніца незалежнай культурніцкай прасторы pershykrok.by. За час працы арганізавала выставы беларускіх фатографаў: Андрэя Лянкевіча «Паганства» (2020), Вольгі Бубіч «20 жанчын» (2021), выступы беларускіх паэтак Крысціны Бандурынай, Насты Шакуновай, рэжысёра Юліі Шатун і многіх іншых. Таксама наладжана супрацоўніцтва з установамі культуры Нідэрландаў, Германіі, Беларусі і Польшчы.
- 2022 Аўтар ідэі і куратар дакументальнага фільму "Гэта ўсё, што я хацеў сказаць" (прадстаўлен у Берліне, ZK/U).
Роля: куратар/digital/тэкст «Палессе ў фокусе» — міждысцыплінарная праграма для арт-супольнасці Палесся ў Беларусі, якая прапануе шырокі спектр фарматаў: майстар-класы, лекцыі, дыскусіі. З 2020 года Беларусь знаходзіцца ў глыбокім палітычным крызісе. Людзі па-ранейшаму жывуць у стрэсе і пастаяннай пагрозе арыштаў і рэпрэсій. Ідэя праграмы заключалася ў тым, каб даць магчымасць даследаваць штодзённы вопыт сучаснай Беларусі і стварыць поле для рэфлексіі і сумеснага мастацтва. Падчас праграмы ўдзельнікі паспелі стаць назіральнікамі ў сваім жыцці і падрыхтавалі праекты, якія могуць стаць кропкамі апоры ў стрэсавай сітуацыі. Працягласць праграмы 2 месяцы. Фота: Вераніка Літвін. |
Роля: рэгіянальны куратар, тэкст Адкрыты конкурс мясцовых фотасуполак у рамках фестывалю «Месяц фатаграфіі». Мастакоў і фатографаў запрасілі даследаваць тэму «Выжыванне». Нягледзячы на тое, што тэма павінна была быць экалагічнай накіраванасці, працэс здолеў яе пашырыць. У выніковых праектах даследуюцца знікаючыя элементы гарадской інфраструктуры («Гарады, у якіх я не жыву», Юлія Шатун), чалавек супраць прыроды (Іван Ялмолін «Asker»), жыццё ў індустрыялізаваным горадзе (Вераніка Літвін), трансфармацыя чалавека пад уплывам сучасных тэхналогій (Сімбіёз, Ірына Чарнякова). Фота: фрагмент праекта «Гарады, у якіх я не жыву», Юлія Шатун. |
Роля: куратар, аўтар Сапраўдныя — серыя аўдыявізуальных жаночых партрэтаў, якія ўвабралі у сябе атмасферу горада, у якім выраслі, але ніколі не вернуцца. Мастачка, кінарэжысёрка і паэтка распавядаюць пра адчуванне маленькага горада і рэальнасці. Гэты праект даследуе вопыт жыцця ў маленькім беларускім горадзе і яго ўплыў на будучыну і фарміраванне асобы. У працэсе простых размоваў з удзельніцамі праекта ўсплываюць успаміны, якія яшчэ маюць месца быць у нашым грамадстве: гендэрныя стэрэатыпы, бесперспектыўнасць, хатні гвалт, агрэсіўнае сацыяльнае асяроддзе. У праекце мне было важна паказаць, як гэты вопыт можна трансфармаваць у будучыя творы мастацтва і выкарыстоўваць як аснову для далейшага развіцця асобы. Усе тэксты публікаваліся без рэдагавання. Партрэты - гэта не толькі статычная фатаграфія-дакументацыя чалавека, але і аўдыя, відэа і тэкст. Такое спалучэнне дае магчымасць адчуць характары адабраных гераінь праекта. Фота і відэа Кацярына Корж. |
спікер
2021 Падкаст "Месца сілы" пра крэатыўных людзей Беларусі, якія ствараюць месцы, поўныя сэнсаў і прыгажосці.
госць
запрошаны спікер
palei.hanna@gmail.com
